Синуслифтинг. Восстановление утраченных объемов кости
SLclinic-ում ատամների իմպլանտացիան կարող է օգնել Ձեզ կրկին զգալ բազմազան և համեղ սնունդ ուտելու հաճույքը:
SLclinic ատամնաբուժարարանի պրոֆեսիոնալ իմպլանտոլոգները կկարողանան արագ և արդյունավետ կերպով վերականգնել Ձեր ժպիտը՝ օգտագործելով ժամանակակից բարձրորակ իմպլանտներ: Իմպլանտացիայի հիմնական պայմաններից մեկը ծնոտի ոսկրի բավարար հաստությունն է այն հատվածում, որտեղ տեղադրվելու է իմպլանտը: Եթե ոսկրային հյուսվածքի ծավալը անբավարար է, ապա այն պետք է վերականգնվի: Ոսկրային հյուսվածքի մեծացման ամենաօգտակար մեթոդներից մեկը սինուսլիֆտինգն է:
Այս տեխնիկայի էությունը կայանում է նրանում, որ վիրաբույժը բացում է հայմորյան խոռոչը լորձաթաղանթի և ոսկրի փոքր անցքի միջով, որից հետո բարձրացնում է խոռոչի հատակը և դրա տակ տեղադրում ոսկրանյութ՝ լրացնելով տարածությունը:
Սինուսլիֆտինգ կարելի է անել միայն առողջ հայմորյան խոռոչների պարագայում: Նախկինում վիրահատական միջամտությունները կամ ախտաբանական գոյացությունների առկայությունը քթի խոռոչներում կարող են հակացուցում լինել վիրահատությանը: Համակարգչային տոմոգրաֆիայի միջոցով անհրաժեշտ է գնահատել ոսկրային հյուսվածքի ծավալը, կառուցվածքը և խտությունը, հարակից ատամների արմատների գտնվելու վայրը, եթե այդպիսիք կան, ինչը կարող է խանգարել վիրահատությանը:
SLclinic-ի մասնագետները գիտեն, թե ինչպես անել ամեն ինչ ամենաբարձր մակարդակով:
Մեթոդներ:
Բաց սինուսլիֆտինգ
Վիրաբուժական միջամտությունը լատերալ մեթոդով դասակարգվում է որպես բարդ և ցուցված է 7 մմ-ից պակաս ալվեոլային ելունի զգալի անբավարարության դեպքում:
Առաջին փուլում բերանի խոռոչի կողմից լորձաթաղանթի մեջ կտրվածք են անում, որից հետո ֆրեզերային կտրիչով անցք են փորում դեպի հայմորյան խոռոչի ներքին պատը: Լորձաթաղանթը բարձրացնելուց հետո փոխպատվաստման ոսկրանյութը տեղադրվում է առաջացած խոռոչի մեջ: Էպիթելային շերտի տարածումւց խուսափելու համար այն ծածկում են պատնեշային թաղանթով:
Հաջորդ փուլը տեղի է ունենում ոսկրային ծավալի ամբողջական վերականգնումից հետո: Նախ, կատարվում է զննում՝ հյուսվածքի որակը պարզելու համար: Այնուհետև դրա մեջ ձևավորվում է խոռոչ և տեղադրվում է իմպլանտը:
Փակ սինուսլիֆտինգ
Ի տարբերություն բաց սինուսլիֆտինգի, այս վիրահատությունը քիչ տրավմատիկ է և ցուցված է այն հիվանդներին, որոնց ոսկրային ծավալը 7 մմ-ից ավելի է:
Փակ sinus lift-ը համարվում է ավելի նուրբ պրոցեդուրա: Հայմորյան խոռոչի հատակին հասնելու համար ատամնաբույժին անհրաժեշտ է միայն փափուկ և ոսկրային հյուսվածքի վրա գլանաձև փոքր անցք ձևավորել՝ օգտագործելով սովորական ատամնաբուժական բոռ: Այնուհետև առաջացած անցքի միջով վիրաբույժը հատուկ զոնդով ներմուծում է օստեոպաթիկ նյութ՝ հատիկավոր տիպի:
Սինուսլիֆտինգ վիրահատությունից հետո խորհուրդ է տրվում
- 3-4 շաբաթ քթի արտադրությունը մաքրել զգուշությամբ
- չսուզվել ջրի տակ
- ինքնաթիռ չնստել
- խուսափել օգտագործել տաք սնունդ՝ հնարավոր արյունահոսության պատճառով
- անհրաժեշտության դեպքում փռշտալ և հազալ բերանը բաց՝ ծածկելով այն անձեռոցիկով
- վիրահատությունից հետո առաջին օրերին խուսափել լուրջ ֆիզիկական ակտիվությունից՝ արյունահոսությունից խուսափելու համար:
Հակացուցումներ:
- չարորակ նորագոյացություններ
- արյան մակարդելիության խանգարումներ
- սիրտ-անոթային համակարգի հիվանդություններ
- իմունային համակարգի հիվանդություններ
- սինուսիտ կամ ռինիտ
SLclinic-ը անհատականորեն է վերաբերվում իր յուրաքանչյուր պացիենտին և ցուցաբերում է անհատական բուժում:
SLclinic-ի մասնագետները վերականգնում են կորցրած ոսկրային ծավալները՝ հիմնվելով բարձր ճշգրտության համակարգչային տոմոգրաֆիայի արդյունքների վրա, ինչը երաշխավորում է վիրահատության բարձրորակ պլանավորում և կատարում:
SLclinic-ում աշխատում են փորձառու վիրաբույժ իմպլանտոլոգներ, ովքեր կիրականացնեն բարձրորակ վիրահատություն:
Գրանցվեք անվճար խորհրդատվության զանգահարելով +374 10 50-99-99 հեռախոսահամարով