Ցավազրկում
մեկանգամյա օգտագործման կարպուլային ներարկիչով
SLclinic - անցավ ատամնաբուժական ծառայություններ
Ատամի ցավը խնդիր է, որին հանդիպել է գրեթե յուրաքանչյուր մարդ։ Հիվանդները հաճախ հետաձգում են այցելությունը ատամնաբույժի՝ վախենալով ցավից:
SLclinic-ը հոգ է տանում Ձեր մասին և առաջարկում է տեղային անզգայացման բազմաթիվ անվտանգ մեթոդներ: Ատամնաբույժի մոտ այցելության ժամանակ SLclinic-ը կօգնի ձեզ ազատվել բացասական էմոցիաներից:
Անզգայացումը ստոմատոլոգիայում օգտագործվում է որպես բուժման ընթացքում ցավի նկատմամբ զգայունությունը թեթևացնելու և բոլոր անհրաժեշտ մանիպուլյացիաները կատարելու միջոց: Անզգայացնող նյութն օգնում է արգելափակել նյարդային ազդակը և անզգայացնել ատամի բուժման համար լորձաթաղանթի անհրաժեշտ հատվածը: Որոշ ժամանակ անց լորձաթաղանթի զգայունությունը վերականգնվում է։
Անզգայացման տեսակները ատամնաբուժարանում
Ապլիկացիոն անզգայացում
Սա մակերեսային անզգայացում է, երբ անզգայացվում է միայն փափուկ հյուսվածքների վերին մակերեսը: Այն իրականացվում է կամ սփրեյի փչման կամ քսուքի տեսքով՝ քսելով բերանի խոռոչի լորձաթաղանթին։
- թմրեցվում է այն հատվածը, որտեղ պետք է ցավոտ ներարկում կատարել
- ատամնաքարերի հեռացում
- լնդերի եզրերի բուժման դեպքում
- աբսցեսի բացման դեպքում
Ինֆիլտրացիոն անզգայացում
Այս տեսակի անզգայացման դեպքում անզգայացնող դեղամիջոցը ներարկվում է անմիջապես ատամի հատվածի մոտ, որտեղ որ իրականացվելու է բուժումը:
Ցուցումներ
- դեպուլպացիա (նյարդերի հեռացում)
- արմատախողովակնրի բուժում
- միջին և խորանիստ կարիեսի բուժում
Հաղորդչական անզգայացում
Այս ցավազրկման տեսակը օգտագործվում է այն դեպքերում, երբ վիրահատության տարածքը շատ ավելի մեծ է: Հիմնականում արգելափակվում է եռվորյակ նյարդի ճյուղերը, ուստի մի քանի ատամ և դրանց հարակից փափուկ հյուսվածքները կարող են միանգամից անզգայանալ։ Երկարաժամկետ մանիպուլյացիաների համար սա լավագույն տարբերակն է:
Ցուցումներ
- ատամի բարդ հեռացում
- իմպլանտների տեղադրում
- կյուրետաժ
- փափուկ հյուսվածքների պլաստիկա
Հակացուցումներ
Նախքան բուժումը սկսելը, SLclinic-ի մասնագետները Ձեզ մի շարք հարցեր կտան Ձեր առողջության վերաբերյալ: Դուք պետք է ազնվորեն պատասխանեք, քանի որ որոշ հիվանդություններ կամ նախկին վարակներ կարող են հակացուցումներ լինել որոշակի տեսակի ցավազրկման համար:
- սրտի պաթոլոգիա (սրտի կաթված կամ ինսուլտ)
- ալերգիկ ռեակցիաներ որոշ ցավազրկողների հանդեպ
- շաքարային դիաբետ
- էնդոկրին համակարգի հիվանդություններ
Ներկայումս SLclinic-ում կիրառվում են մի շարք մեթոդներ և պրեպարատներ, որոնք կարող են ամբողջությամբ վերացնել զգայունությունը, խնայել ժամանակն ու ապահովել բարձրորակ ատամնաբուժական բուժում:
SLclinic-ում ցավազրկումը թույլ կտա հեռանալ ատամնաբույժից ժպիտով և հաճելի հիշողություններով: